ရသစာစု

ကျွန်တော်၏ ဘ၀တွင် အဖတ်အများဆုံးသော စာအုပ်အမျိုးအစားမှာ ၀တ္ထုစာအုပ် အမျိုးအစား ဖြစ်သည်။ ထိုဝတ္ထု စာအုပ်ထဲတွင် ဘာသာပြန်အမျိုးအစားကို အဖတ်များခဲ့သည်။ လူတစ်ဦးကို လွမ်းမိုးစေသော ပတ်ဝန်းကျင်ဆိုင်ရာ အကြောင်းတရားများတွင် စာဖတ်ခြင်းသည်ပါဝင်သည်။

    ယခုအခါ တစ်ခါတစ်ရံ စဉ်းစားမိသောအခါ တချိူ့စာအုပ်များသည် ဂန္ဓ၀င်အမျိုးအစားတွင် မပါဝင်ကြပါ။ သို့သော်လည်း ကျွန်တော်စိတ်ကို နှစ်ပေါင်းများစွာ လွှမ်းမိုးလျှက် ရှိသည်။ ထိုစာအုပ်များမှ ဘ၀အမြင်များသည် ကျွန်တော်၏ စိတ်ဓာတ်ကို ပုံသွင်းခဲ့သည်ဟုတောင် ဆို၍ရသည်။ ထို့ကြောင့် ဘာသာပြန် စာရေးဆရာကြီးများကို အလွန်ကျေးဇူးတင်ခဲ့ရပါသည်။

     ရသစာပေသည် စာဖတ်သူများကို ရသ(၉)ပါး ပေးစွမ်းသည် ဟုဆိုကြပါသည်။ ရသမြောက်သော ၀တ္ထုတစ်ပိုဒ် ဖတ်ပြီးသည်နှင့် ရင်မော၍ကျန်ခဲ့သလို၊ အားတက်ကာ ကြိုးစားချင်စိတ်များ ပြည့်၍လည်း ကျန်ခဲ့တတ်သည်။

   ဥပမာ အားဖြင့် ကျွန်တော့်စိတ်ကို စွဲကျန်စေသော စာအုပ်အနည်းငယ်ကို ဖော်ပြချင်ပါသည်။ A.J Cronin  ရေးသော Adventure in Two World  -နှစ်လောက အမည်ဖြင့် ဆရာမောင်ထွန်းသူ ဘာသာပြန်ခဲ့သည်။ ကိုယ်တိုင်ရေး အတ္ထုပ္ပတ္တိစာအုပ်ဖြစ်သည်။ ရိုးသားကြိုးစားမှု၊ ကြိုးစားမှုနှင့် တည်ဆောက်ထားသော ဘ၀တစ်ခု ရုန်းကန်ရပုံ၊ ကြိုးစားမှု၏ အသီးအပွင့်ခံစားရပုံတို့မှာ ပေါ်လွင်သည်။ အရာရာတွင် ငွေကြေး၊ အဆက်အသွယ်ဖြင့် ဖြေရှင်းနေသော အသိုင်းအ၀ိုင်းတွင် ကြိုးစားခြင်းနှင့် ဇွဲသတ္တိကို အခြေခံ၍ တည်ဆောက်ခဲ့သော ဘ၀တစ်ခုမှာ အားတက်ဖွယ်ဖြစ်သည်။ ခက်ခဲစွာရရှိခဲ့သော ဆရာဝန်ဘ၀ကို စွန့်လွှတ်ကာ အောင်မြင်သော စာရေးဆရာဘ၀ကို ထပ်မံတည်ဆောက်ခဲ့သော A.J Cronin ကို အလွန်လေးစားမိသည်။

   “ အကောင်းဆုံးသော သွန်သင်ဆုံးမသူသည် ကိုယ်တိုင် စံပြ နေထိုင်ပြသူဖြစ်၏ “ ဟူသော စကား အရ A.J Cronin  ၏ ကြိုးစားမှုဖြင့် ရရှိသောဘ၀ကို အလွန်အားကျမိပါသည်။ ပျင်းရိဖွယ် အချက်အလက် များကို တောက်လျှောက်မရေးဘဲ၊ ရသမြောက်ဖွယ် အရေးအဖွဲ့ ဇာတ်လမ်းတိုလေးများကို ကြားတွင် ထည့်ကာ ရေးသားထားပါသည်။ ထို့ကြောင့် မိမိ၏ စိတ်တွင် စွဲထင်ကာ နှစ်ပေါင်းများစွာ သတိရနေမိခြင်း ဖြစ်သည်။

   နောက်ထပ်ကြိုက်မိသော တစ်အုပ်မှာ ဂျပန်ဝတ္ထုဖြစ်ပြီး၊ ဇာတ်လမ်းအရ သိပ်ပြီး မထူးဆန်းပါ။ အဓိက ဇာတ်ကောင်မှာ မိမိကြူးလွန်ခဲ့သော ပြစ်မှုအတွက် ရဟန်းဘောင်သို့ ကူးပြောင်းခဲ့သည်။ သာမာန် လူသားများ စိတ်မကူးဝံ့သော ကိစ္စဖြစ်သည့် ကျောက်တောင်ကြီးကိုဖောက်ကာ လမ်းဖောက် လုပ်ခဲ့သည်။ ဖောက်လုပ်သောအခါ နှစ်ပေါင်းများစွာ ကြာခဲ့သည်။ သူ၏ တစ်ချောင်းတည်းသော စိတ်ဓာတ်ဖြင့် ကျောက်တောင်ကို တူးဖောက်နေစဉ် အနီးရွာမှ ရွာသားများမှာ ကဲ့ရဲ့လိုက် လာကူညီလိုက်ဖြင့် အခါခါ လာရောက်ခဲ့သည်။ လူသားတစ်ဦး၏ နှစ်ပေါင်းများစွာ မဆုတ်မနစ် ကြိုးစားမှု ဖော်ကြူးထားသည်။ မဖြစ်နိုင်ဟု ယူဆသော ကိစ္စဟုထင်သောအခါ စတင်လုပ်ကိုင်သူကို အပြစ်တင်ကြသည်။ ထိုကိစ္စ အနည်းငယ် အကောင်အထည်ပေါ်လာသောအခါ ပါရမီရှင် ဟု ပြောဆိုကာ ကူညီပြန်၏။

       ကိစ္စများကို ပေါ်ပင်လုပ်ကြည့်တတ်သော စရိုက်ကလည်း လူများစု၏ စရိုက်ပင် ဖြစ်သည်။ အလွန်ကြီးမားသော ကိစ္စများကို လုပ်ကိုင်အောင်မြင်ခြင်းမှာ ဇွဲသတ္တိမှလွဲ၍ အခြားမရှိပါ။ မည်သည် တန်ခိုးရှင်မှလည်း မစခြင်းမဟုတ်ပါ။ မိမိ၏ လုံ့လ ၀ီရိယသာ အောင်မြင်စေသော တရားဖြစ်သည်။ ထိုသို့မဖြစ်နိုင်ဟု ထင်ထားကြသော တည်ဆောက်ခြင်းများကို တည်ဆောက်ကာ ကမ္ဘာ့သမိုင်းတွင် မှတ်တမ်းတင်ခဲ့ရခြင်းများလည်း ရှိပါ၏။ အမေရိကန်ရှိ Golden Gate တံတားကြီး၏ တည်ဆောက်ခြင်းမှာ မဖြစ်နိုင် ဆိုခဲ့ကြသည်။

     အင်ဂျင်နီယာ သားအဖမှ အခက်အခဲပေါင်းစုံဖြင့် တည်ဆောက်ပြခဲ့သည်။ ထိုကြောင့် မိမိတို့ ပတ်ဝန်းကျင်တွင် ကြားနေရသည့် ကံ ယုံဝါဒ များသည် ကံ ဟူသော ပုဒ်၏ အဓိပ္ပါယ်နှင့် ကာမနိယာမကို သေသေချာချာမသိဘဲ မိမိ၏ ၀ီရိယနှင့် ဥာဏ်ပညာကို ထုတ်မသုံးသော သူများသာ အဖြစ်များသည် ကိုတွေ့ရပါသည်။

      နောက်ထပ် ကြိုက်မိသော စာအုပ်မှာ Albert Camus ရေးသော Plague ဖြစ်သည်။ ဆရာထင်လင်းက ပုလိပ် ဟူ၍ ဘာသာပြန်ခဲ့သည်။ ဆရာထင်လင်းသည် ဘာသာပြန်စာရေးဆရာအဖြစ် စာအုပ်အနည်းငယ်ကိုသာ ဘာသာပြန်ခဲ့သည်။ သို့သော် စာအုပ်အားလုံးကို အချိန်ယူ၍ ဘာသာပြန်ခဲ့ခြင်းဖြစ်ရာ တစ်အုပ်ဆိုလျှင် တစ်အုပ်ဆိုသလောက် ကောင်းမွန်ခဲ့သည်။ စာကောင်းပေကောင်း အဖြစ်လည်းကျန်ရစ်ခဲ့သည်။

       ပုလိပ်သည် လူ့သဘာဝကို အနက်ရှိုင်းဆုံး အပိုင်းအထိ စူးစမ်းရှာဖွေထားသော၊ ကပ်ရောဂါကြီး တစ်ခု ကျရောက်လာသောအခါ လူတစ်ဦးစီ၏ မတူညီသော တုန့်ပြန်မှုများ၊ လူအမျိုးမျိုး၏ စရိုက်များကို ထင်ထင်ရှားရှား ဖော်ထုတ်ထားသည်။ ထိုစာအုပ်သည် စနစ်ဆိုးကြီးတစ်ခု ကျရောက်လာသောအခါ ထိုစနစ်ဆိုးကြီးအပေါ် လူအမျိုးမျိုး၏ တုန့်ပြန်ပုံကို ရေးသားခြင်း ဖြစ်သည်ဟု မှတ်သားမိသည်။

       ထိုစာအုပ် တစ်အုပ်လုံးသည် အနိဋ္ဌာရုဏ်များဖြင့် ပြည့်နေပြီး၊ တစ်အုပ်လုံးပြီးသည်အထိ အချိန်အတော်ကြာ ပေးပြီးဖတ်ခဲ့ရသည်။ ဆရာထင်လင်း၏ ဘာသာပြန်လက်ရာသည် အလွန် အနုစိတ်ပြီး၊ အရေးအသားကို ပေါ်လွင်သည်အထိ ဂရုစိုက်ကာ ဘာသာပြန်ခဲ့သည်။ တစ်ကြောင်းဆို တစ်ကြောင်းဆိုသလောက် လေးလေးပင်ပင်နှင့် ထိထိမိမိ ရှိလှသည်။ ထိုစာအုပ်မှ ဇာတ်ကောင်များ၏ တုန့်ပြန်ပုံ ကလည်း အနုစိတ်ကာ ၀တ္ထုစာအုပ်ဖတ်နေသည် ဟူသော အသိပျောက်ကာ ပုလိပ်ရောဂါ ကပ်ဆိုးကြီး သင့်နေသောမြို့ထဲ ရောက်သွားကာ ထွက်ပေါက်မရှိပဲ မွန်းကြပ်ကာ တလည်လည်နှင့် ဖြစ်နေမိပါသည်။

      ဖတ်နေရင်း စနစ်ဆိုးကြီး၏ အောက်တွင် နေထိုင်ရသော ကျွန်တော်တို့၏ ဘ၀များ နှင့်လည်း နှိုင်းယှဉ်ကြည့်နေမိသည်။ ကပ်ဆိုးကြီးရောက်လာသောအခါ နေ့မအား၊ ညမအား မိမိလုပ်ရမည့် အလုပ်ကို ညဉ်းညူခြင်းမရှိ၊ စိတ်ပျက်ခြင်းမရှိဘဲ တိတ်ဆိတ်စွာ လုပ်ကိုင်နေသော ဒေါက်တာရေး၏ စရိုက်ကား ဖြစ်တည်မှု ပဓာန၀ါဒကို ထိုဇာတ်ကောင်ဖြင့် ပုံဖော်ထားသည်ဟု ဆိုနိုင်သည်။ အဖြစ်တရားကို အရှိအတိုင်း လက်ခံကာ ဇွဲ၊ သတ္တိဖြင့် ရုန်းကန်ရဲသည့် စံပြလူသားတစ်ဦးကို ပုံဖော်ထားသည်။

      ထို့ဝတ္ထုမှ ဇာတ်ကောင် အသီးသီးသည် မိမိတို့ပတ်ဝန်းကျင်တွင် အသက်ရှင်နေသကဲ့သို့ ခံစားရပါသည်။ အသက်ရှင်ခြင်း၊ သေဆုံးခြင်းများသည် အမေ့လျှော့ခံဘ၀မှ ဘ၀၏အစိတ်အပိုင်း အဖြစ်သို့ နီးနီးကပ်ကပ် ရောက်ရှိလာပြီး လူသားတစ်ဦး၏ ဒုက္ခ၊ သုက္ခ များဖြင့် ပြည့်နေသော်လည်း ဆက်လက် လျှောက်လှမ်းနေရသော ဘ၀ကို ထွက်ပေါက်မရှိ တ၀ဲလည်လည် ခံစားရပါသည်။

   တစ်စုံတစ်ခု၏ ပြစ်ဒဏ်စီရင်ခံရခြင်းကို စောင့်နေမည့်အစား၊ ဆက်လျှောက်နေရသော အနေအထားကို ဖတ်ရသောအခါ ဆက်လျှောက်နေရဲသည့်သတ္တိနှင့် အားမာန်ကိုရရှိပါသည်။

    ထိုသို့ ရသ၀တ္ထုတစ်ပုဒ်ကို ကြိုက်မိသောအခါ ထိုဝတ္ထုမှပေးသော အတွေးအမြင်၊ ဇွဲ သတ္တိများသည် မိမိ၏ စိတ်အတွင်းသို့ စိမ့်ဝင်သွားသလို ခံစားရပါသည်။ သို့သော်လည်း တစ်ခု သတိထားရမည့်အရာမှာ တစ်ခါတစ်ရံ ရသစာပေ ရေးသားသော စာရေးဆရာသည် သူ ယုံကြည်သော စနစ်တစ်ခု၏ စံများ၊ မိမိ၏ စိတ်ကူးယဉ်မှုများကို သူတတ်သော ရသအရေးအဖွဲ့များဖြင့် ရေးဖွဲ့တတ်ကြသည်။ ထိုအခါ စာဖတ်သူသည် လွဲမှားစွာ အနက်ကောက်မှုများ လုပ်လိုက်တတ်ကြသည်။

     ဥပမာအားဖြင့် ဆိုသော ဆရာရွှေလင်းယုန် အမည်ခံ ဂျာနယ်ကျော်ဦးချစ်မောင် ရေးသားသော “သူ” ၀တ္ထုတွင် ပါဝင်သော ဆရာဝန်ဒေါက်တာမြင့်မောင်၏ အနစ်နာခံမှုသည် အပြင်လက်တွေ့ ဘ၀တွင်ဖြစ်နိုင်ပါ့မလားဟု သံသယရှိစရာဖြစ်သည်ဟု စာရေးဆရာကိုတာ က မယုတ်မလွန် ရေးသားခဲ့ပါသည်။

   မပြည့်စုံသော အချက်အလက်များပေါ်တွင် မူတည်၍ ချမှတ်ရသော မည်သည့်ဆုံးဖြတ်ချက်မဆို မှန်ကန်ဖို့ ရာနှုန်းလည်းနည်းလေသည်။ ထိုသို့သော အရာများကိုတော့ သတိချပ်ထားသင့်ပါသည်။

    ထို့ကြောင့် စိတ်တွင်စွဲသွားသော ရသစာပေ တစ်အုပ်ဖြင့် မိမိ ဘ၀အတွက် လိုအပ်သော တွန်းအားများကိုရရှိပါသည်။ မိမိ ဘ၀အတွက် မှန်ကန်သော ဘ၀ အမြင်များ လည်း ပြောင်းလဲ သွားနိုင်ပါသည်။

 

        posted by အလင်းသစ်